बाघझोडामा स्थानीयको पहलमा डुङ्गा सञ्चालन

  • प्रकाशित मितिः श्रावण 14, 2075
  • केशु विरही
  • 160 पटक पढिएको

विराटचोक/ आन्तरिक पर्यटनलाई बढाउने अभिप्रायका साथ सुन्दरहरंैचाको ऐतिहासिक बाघझोडा पोखरीमा स्थानीयको पहलमा डुङ्गा सञ्चालनमा आएको छ ।

सुन्दरहरैचा – १० मा पर्ने बाघझोडा सिमसार संरक्षण क्षेत्रभित्र पर्ने पोखरीले लामो इतिहास बोकेको स्थानीय बताउँछन् । करिब ७ बिघा क्षेत्रफलमा फैलिएको यो पोखरी लामो समयदेखि संरक्षणको अभावमा ओझेलमा परिरहेको पूर्व सांसद चन्द्रबहादुर गुरुङ बताउँछन् ।

उनका अनुसार डुङ्गाको सञ्चालनपछि स्थानीय पर्यटन प्रवद्र्धनमा टेवा पुग्नेछ । बाघझोडा सिमसार संरक्षण समितिका अध्यक्ष समेत रहेका गुरुङका अनुसार गाउँमै निर्माण गरिएको सो डुङ्गाको लागत करिब २ लाख रुपैयाँ रहेको छ । सो डुङ्गामा एक पटकमा ३० जना मानिस सवार हुन सक्ने बताइएको छ ।

सरकारी तवरबाट पोखरीको संरक्षण तथा संवद्र्धनमा कुनै चासो नदिइएकाले स्थानीयले आफ्नै पहलमा डुङ्गा सञ्चालन गरेको उनको भनाइ छ । शुक्रबारदेखि डुङ्गा सञ्चालनमा आएको हो । ५ सय किलोग्राम फलामबाट निर्माण गरिएको डुङ्गा बोकेर पोखरीमा लैजान ठूलो संख्यामा स्थानीयवासी भेला भएका थिए ।

आफ्नै घर अघिको पोखरीमा डुङ्गा सञ्चालन भएपछि स्थानीय डोमा उराव दङ्ग थिए । अब गाउँमा पर्यटक बढ्ने र आफूहरूले रोजगार पाउनेमा आशा जागेको उनले बताए ।

प्रतिक्रिया दिनुहोस

सम्बन्धित शीर्षकहरु

सम्पूर्ण समाचार

दहेज

कथाकार– धनेश्वर ठाकुर आज भन्दा धेरै वर्ष पहिले म काठमाण्डौं को कोटेश्वर भन्ने ठाउमा बस्थे र एउटा किरान

रक्षा बन्धन पर्व धुमधामका साथ मनाइँदै

मधेश स्पेशल समाचारदातासुखीपुर (सिरहा) / श्रावण शुक्ल पूर्णिमाका अवसरमा आज रक्षा बन्धन, जनै पूर्णिमा (ऋषि त

सरकारी जागिर छाडेर मछा पालनमा रमाएका विसुन देव मण्डल

रोयाण्टर मण्डलसुखीपुर (सिरहा) / सिरहाको धनगढीमाई नगरपालिका वडा नम्बर ६ सिमराका विसनु देव मण्डलले बिगत २४ व


सुचना तथा प्रसारण विभाग: ९७८–२०७५/७६

Copyright © 2013 / 2019 - Pradeshportal.com All rights reserved

प्रेस काउन्सिल नेपाल: २४६–२०७५/७६